monumenta.ch > Hugutio Pisanus > Hugutio Pisanus, Derivationes, p21, U 6
Hugutio Pisanus, Derivationes, U/V, , U 5 <<< >>> U 7
U 6
1 VAPORO -as, calefacere, urere vel vaporem emittere vel vaporando emittere, unde vaporamen, et vaporabilis -le, et hic vapor -ris, idest calor, unde vaporus -a -um, et vaporeus -a -um, et vaporosus -a -um. 2 Et hec vappa -pe, vile vinum quod ex fece exprimitur vel ex vinacio cum aqua, et est fere nullius saporis, unde vappa dicitur insipiditas; et vappa, ardalio, prodigus, superfluus, qui insipide et indiscrete dispergit res suas et nullius probitatis est; unde vappidus -a -um, insipidus, sine sapore, et comparatur, unde hec vappiditas, idest insipiditas. 3 Item a vapor vapulo -as neutrumpassivum, idest verberari, et significat passionem ab alio illatam et construitur cum ablativo, interposita a vel ab prepositione, ut ‘vapulo a te’, idest ‘verberor a te’. 4 Vaporo cum suis compositis, si qua habet, activa sunt.
bnf15462.293 med275.181